Néwak Hak

Wrote by Post Comment

Ku: Miskar Kariti

Ngingu Kanari
Bacéo, dihakan ucing
Ngamumulé embé
Bohong jadi bébéné

Neuleu suhunan imah alus batur
Gék di dinya
Moyankeun awak
Susuganan kaleleban bisa cageur

Nu karasa?
Bujur asa dihuru
Awak
Kalah ka asa dirérab

Ditiung tumanya
Pindah ka nu goréng
Suhunan imah sorangan
Naha rasa jadi campuh?

Gap, kana kurupuk
Susuganan bisa ngapung
Néwak heulang
Nu ngalangkangan

Duh
Kalah ka duka
Duka beunang
Duka moal

Pataruman, Kemis 29 Desember 2016
Tabuh 11:37:31 WIB

Tina status facebook Miskar Kariti

Tags:

Ngédarkeun:

0 comments