Kominfo Rék Ngablokir 20 Situs MMM

Wrote by Post Comment

(ilustrasi/GettyImages)
Jakarta - Narima pangaduan nu ditepikeun ku Ketua Dewan Komisioner Otoritas Jasa Keuangan (OJK), Kementerian Komunikasi jeung Informatika (Kominfo) jangji rék ngablokir situs Mavrodi Mondial Moneybox (MMM).

“Saparantos ngalangkungan kajian nu dibahas dina Panel Investasi Ilegal, Panipuan, Obat Dahareun, Perjudian jeung Narkoba, Panel ngusulkeun ka Menteri Kominfo pikeun ngablokir situs-situs éta," kitu Kepala Humas Kementerian Kominfo Ismail Cawidu nganyatakeun ngalangkungan situs resmi Kementerian Kominfo, Saptu (18/4/2015).

Saurna, aya 20 situs nu dipénta ka Internet Service Provider (ISP) sangkan diblokir. Ka-20 situs éta, nya éta:

1. Indonesia-mmm_net
2. mmmindonesialegal.com
3. klikmmm.com
4. websupportmmm.com
5. bisnismavro.com
6. mmmindonesiaclub.com
7. mmmindonesian.com
8. bisnis3m.com
9. mmmindonesia1.com
10. mmmlovers.com
11. mmmindo.com
12. lk.sergeymavrodi.com
13. lk.sergey-mavrodi-mmm.org
14. mmmcommunity.net
15. mmmindonesia9.com
16. mmm-dotinfo.com
17. mmmincome.com
18. 2012.sergey-mavrodi.ms
19. 2012.sergey-mavrodi-mmm.net
20. 2012.sergeymavrodi.com.

Alus-goréngna nu jadi dasar pikeun ngablokir 20 situs éta, dumasar kana tilu hal. Kahiji, situs MMM éta teu miboga badan hukum ogé domisili hukum ngayakeun transaksi éléktronik.

Kadua, teu miboga struktur organisasi nu jelas. Pamustungan, ayana kahariwangan masarakat kana waragadna nu digunakeun pikeun ngiluan kagiatan MMM.

Dumasar kana informasi ti sababaraha hiji situs internét, sacara umum kagiatan MMM nya éta ngajak-ngajak masarakat sangkan ngariluan gabung ku cara neundeun waragad dina kagiatan di MMM.

Ngiluanana masarakat dilakukeun ngaliwatan sistem dina internét. Sistem éta disebut-sebut diciptakeunana ku Sergey Mavrodi mangrupa warga Russia.

Calon nu rék ngariluan kudu boga rekening bank, hapé jeung nomerna nu aktip jeung alamat surat éléktronik (e-mail). Sanggeus nu rék ngariluanana daftar, ngaliwatan internét, sistem langsung méré password pikeun asup ka jero sistemna, jeung kode aksés pikeun satiap transaksi.

Nu ngariluan dibéré paréntah jangeun transfer sajumlah waragad kana rekening bank nu ditangtukeun jeung miboga posisi sabagé Provide Help. Lamun paréntah éta teu dicumponan, nu ngariluan diasupkeun kana daftar blacklist, balukarna teu bisa deui ngiluan kagiatan MMM.

Saterusna, bukti transfer diunggahkeun kana sistem. Sanggeus waragad ditransfer, engkéna nu ngariluan éta, miboga posisi sabagé panarima bantuan (get Help) jeung bisa narima mangpaat 30% leuwih gedé tina jumlah nu geus ditransfer dina waktu sabulan.

“Tina internét meunang informasi tambahan jiga kieu: Sergey Mavrodi kalibet masalah hukum di Rusia lantaran kagiatan nu pakuat-pakait jeung MMM. Panegak Hukum di India geus nangkep sababaraha urang nu aya pakuat-pakaitna jeung kagiatan MMM di India. Jeung pupuhu Majelis Ulama Indonesia nepikeun yén kagiatan MMM miboga sifat riba jeung haram,” saur Ismail.

Sakumaha detikINET, nu disalin ku balagudeg 19/04/2015. (mk)


Tags:

Ngédarkeun:

0 comments