balagudeg

Bari rarat-rérét bisi aya nu nalingakeun, sieun kawiwirangan, kuring ajrag-ajragan, peperengkelan, waduh-waduhan, peurih nya semu panas ampunna leuwih ti ampun.

Mun teu salah eukeur ondangan, nikahkeun, nanggap organ tunggal. Ngan, aya-aya baé ieu panyakit bésér, hayang kiih teu bisa diampeuh. Rék numpang di imahna anu boga hajat, éra. Ka nu séjén nya kitu kénéh, jeung teu warawuh. Ongkoh sieun disangka akon-akon. Teu kurang akal. Nyalingker baé di pipir imah nu jauh ti karaméanana hajat, atawa susuganan aya kebon, rék di kebon baé. Tuluy bébéja ka babaturan sarombongan.

Alhamdulillaah. Jadina téh di pipir imah kabaheulaan, handapeun tangkal rambutan nu jangkungna kakara satangtung. Ngisangna? Ah, tayamum baé ku daun rambutan. Engké meresihkeun, nyampurnakeunana mah ku cai, di imah sorangan. Rada buru-buru sieun batur ngadaragoan. Gap kana daun rambutan, sarérétan ogé daun rambutan téh mulus teu rawing ku urut atawa eukeur dihakan hileud. Mimiti nu dipaké nyusut téh nu katempona, nu namprakna, tuluy meresihkeunana ku tonggongna. Na atuh, pas dioléskeun, ari téwéwét téh, peurih karasana, tur asa aya anu nyeleksek kana hulu angen. Wah, leuwih ti disentét ku kamarang. Bari rarat-rérét bisi aya nu nalingakeun, sieun kawiwirangan, kuring ajrag-ajragan, peperengkelan, waduh-waduhan, peurih nya semu panas ampunna leuwih ti ampun.

Sanggeus nyerina jeung peurihna rada ngurangan, kuring panasaran mariksa daun rambutan nu dipaké ngisang bieu. Aya naonan atuh sia téh? Ditelik-telik. Hileud besrat laleutik kénéh pisan mani jiga eukeur rapat, persis dina tengah-tengahna tonggong daun rambutan. Néangan rokrak. Hileud besrat anu laleutik kénéh pisan téh dikurud tina tonggong daun rambutanana, di ka nu taneuhkeun, tuluy dikekesek. “Lunas, siah!”

Leungeun teu cicing nyumputkeun hileud kuring, nu mimiti ngabareuhan.

Ku: Miskar Kariti

Tina satatus Facebook Miskar Kariti

Wrote by Miskar Kariti

“Wil, aki hayang gantung diri!”
“Piraku, Ki, gantung diri dina cai?”
“Aéh, heueuh. Mending kumaha atuh Wil, Aki téh?”
“Mending arudud baé, Ki, bari lalajo sunset geura!”
“Hayu atuh! Boga kitu, Wili, rokona?”
“Pan, nébéng ti Aki!”
“Kuak, kuak, hé hé hé ...!”
Padahal dina kieuna mah kapiakina nu nébéng kapininina. Duh, hampura, salah nulis!

Tina status Facebook Miskar Kariti

Wrote by Miskar Kariti

“Ceuk koran, dina Ramadan ayeuna harega jéngkol di Lebak, sakilona geus tepi kana 80 rebu pérak!”
“Waduh .... Komo lamun geus aya di pasar bisa jadi leuwih ti sakitu!”
“Ari manéh, Lebak ngaran kabupatén belegug! Harega jéngkol di pasar tradisional Rangkasbitung ayeuna!”
“Glek!”

Tina status Facebook Miskar Kariti

Wrote by Miskar Kariti

Bah Dadi kundang iteuk nepungan Dokter Siti di tempat praktékna.
Dokter Siti: “Abah sabaraha yuswa?”
Bah Dadi: “Naék 85 Néng Dokter!”
Dokter Siti: “Saé. Dupi lalandong, kasawat naon Abah téh?”
Bah Dadi: “Abah téh meunang kaanéhan Néng Dokter, satiap tas dahar patedaan Abah osok ngusial sareng mules kacida karaosna téh benten ti sasarina!”
Dokter Siti: “Punten! Salami sasih Saum ieu Abah buka sareng sahur téh, réncang tuangna osok sareng naon?”
Bah Dadi: “Ih, nya anu ilaharna baé Néng Dokter, pangaresep Abah, réndos céngék dina coét dicocol ku sangu haneut!”
Dokter Siti: “Oh, sumuhun ...!” Padahal dina haté Dokter Siti mah kukulutus, “Atuh pantes arék kitu ogé, da, dina satiap dahar sahur jeung bukana deungeun sanguna ukur jeung sambel! Untung teu murus ogé. Ih, dasar produk heubeul!"

Minangka dioméan, tina status facebook Miskar Kariti

Wrote by Miskar Kariti

Newer Posts Older Posts Home

Minangka Pangténarna

Padaringan

Tarjamahkeun